السبت، 20 أبريل 2013

دلال الذوق


دَلال الذُّوق
                       محمَّد الفاتح يوسف أبوعاقلة
نوقد في الظلام نارنـا
وجيهك يا صباحنا نهار
سفن مرتاحة في التيار
وجاهزة تمـلي للإبحار
***
شوارع هللت بالضي
دفق فيها السحاب ألمي
نسائم برده الهطـال
حنيناً  أصلو ما بنشال
***
مساكن في بوادي النم
وجر دوباي عقب تمتم
ده شيتاً شفنا في ريلـه
وفي جـدياً درع تيلـه
مشاهد مقدرة وعـزه
قدل فيها الغنا وهـزه
***
ده شيتاً من مكامن الروح
وزى وحّة نغيـم مجروح
عوافي على الصباح الفيك
على الفرح البقى مدفيك
***
وشان عشم القماري القوق
وبوح بيهو الرويحةة تروق
وموال الحشـا المحـروق
نفرهـد لى دفاق الـذوق
ولى شدر المحنـة عـروق
*** 
نغرد للســلام  والنـور
ولى الشَّـدر الملان دندور
ونرحل في المدى المسحور
على سروج الصفا المحضور
***
عوافي  عليكي منك ؤليكي
من وَلَة الصَّبَـر راجيكي
لى حَـد السَّنــا الماليكي
أصـلا هِيفُـو ما بخليكي
    ما بخليـكي .. ما بخليـكي